張敬軒246米登頂克服畏高

張敬軒的第一個入行20年、第一個跨年演唱會、第一次攀登246米高（約64層樓）避雷針，拍攝宣傳照片及影片。同時在塔頂錄下入行20年的感言，鑄成世上只有一枚的NFT（Non-fungible token，非同質化代幣），成為香港首個結合紅館演唱會體驗的慈善NFT拍賣作品。對他來說，都是一生難忘的人生歷程。

有畏高症的軒仔，在製作團隊及國際認可攀爬教練支援下，作出了190小時的訓練，他的終極願望是，從此把畏高從他的恐懼清單中剔除。整個過程耗時90分鐘，途中軒仔緊張得手心不斷冒汗，主辦單位更為他購買了保額逾億元的保險，整個項目亦包括拍賣NFT的善舉。

拍賣所得收益在扣除平台費將會全數撥捐軒仔指定的「母親的抉擇」、「大樹下善待動物庇護站」及「愛培自閉症基金」三間慈善機構。奪得拍賣者不單獨家聽到軒仔入行20年的神秘感言錄音，並獲得跨年騷尾場首行頂級座位，及可搶先欣賞正式綵排的機會。

軒仔亦在網上表心跡：「我感恩喺呢個旅途當中遇到嘅每一個人、每一件事；每一首歌、每一個演出；每一份滿足、每一份虧欠；每一次考驗同每一個開心嘅瞬間。無論係高低起跌，抑或成功失敗，我同所有人與事嘅相遇都令我成為更好嘅自己。我希望可以畀自己喺20/40呢兩個甚具象徵意義嘅時間，同我嘅觀眾、我嘅歌迷分享呢20年以嚟嘅作品同心路歷程。期待喺今次嘅舞台上見到大家，同大家一齊分享呢一路上嘅各種點滴。」 　（編輯：游子欣）

張敬軒為了拍攝紅館跨年騷的海報，登上246米高（約64層樓）的避雷針取景。

教練先讓軒仔由室內攀石訓練開始起步。

進階版是到郊外攀石。

出發前及攀爬途中，軒仔都緊張得不停標手汗。

出發喇！Yeah！

先做好安全措施，軒仔個樣愁愁哋喎！

爬到半途，單手擺Pose咁輕鬆？

差兩步就登頂喇！加油！

張敬軒出道已有20年，而他移居香港也有19年。